Müştərilərimiz arasında qlobal investisiya və kommersiya bankları, beynəlxalq maliyyə təşkilatları, fondlar, xarici şirkətlər, dövlət şirkətləri, çoxşaxəli holdinqlər, sənaye şirkətləri, birgə müəssisələr və tanınmış yerli şirkətlər yer alır.

Enerji və təbii ehtiyatlar, bankçılıq və maliyyə, kapital bazarları və investisiyalar, sığorta, daşınmaz əmlak və tikinti, telekommunikasiya, aqrobiznes, dəniz hüququ və daşıma, özəl kapital, vençur kapitalı və startap və.s daxil olmaqla iqtisadiyyatın və biznesin müxtəlif sektorlarında xidmət göstəririk.

Xidmətlərimiz həm peşəkar, həm də fərdi xarakter daşıyır. Müştərilərimizə dəqiq, etibarlı, davamlı və yüksək keyfiyyətli hüquqi məsləhətlər veririk. Müştəri yönümlü yanaşmamız və yüksək etik standartlarımız, mövcud müştərilərin və digər mütəxəssislərin tövsiyələri ilə edilən müraciətlər ilə nəticələnir.

Müştərilərimiz istənilən növ çətinliklərin öhdəsindən gəlmə və riskləri idarəetmə bacarığımıza görə ən vacib tranzaksiyalarını, mübahisələrinin həllini və layihələrini bizə etibar edirlər. Tərəfdaşınız olan yerli hüquq firması olmaqdan və layihənizdə sizə kömək etməkdən məmnun qalacağıq.

Bütün hüquqşünaslarımız və məsləhətçilərimiz həm yerli, həm də beynəlxalq səviyyədə olan ixtisaslı peşəkarlardır. Hüquqşünaslarımız Oksford Universiteti, Kembric Universiteti, Kolumbia Universiteti, London İqtisadiyyat Məktəbi, Lozanna Universiteti, Gent Universiteti kimi dünyaca tanınmış aparıcı təhsil müəssisələrinin məzunlarıdır.

Transsərhəd tranzaksiyalar ilə məşğul olan aparıcı bir konsaltinq şirkəti olaraq bir sıra qabaqcıl regional və beynəlxalq hüquq və konsaltinq firmaları ilə sıx əlaqələr quraraq əməkdaşlıq edirik və “Magic Circle” və “City” qrupuna daxil olan bəzi hüquq firmalarının üstünlük verdiyi Azərbaycanın hüquq məsləhətçisiyik.